العمال يتم التنكيل بهم بسبب مطالبتهم بحقوقهم

11 02 2017

%d8%a7%d9%84%d9%86%d8%b5%d8%b1-%d9%84%d9%84%d8%b9%d9%85%d8%a7%d9%84

الفترة اللي فاتت وتحديدا بعد تعويم الجنيه ، بدأت شركات كتير تغير في نظام تعاملها مع العمال ، سواء تخفض نسبة العمالة بالفصل أو بالتسريح للعمالة المؤقتة أو اللي معداش عليها فترة كبيرة ، عشان تصرفلهم مستحقات أقل ، وتزود الضغط على العمال الباقيين “القدام” في الشغل مع عدم تحريك أجورهم برضه ، وتحميلهم جهد 100% إضافي للجهد الطبيعي اللي بيمارسوه في عملهم ، وده عشان تحافظ على نسبة أرباحها ، ومكاسبها عموما ، والقرارات الاقتصادية يتحمل نتيجتها العمال بس.

عندنا نموذج شركة أمريكانا في فترة قصيرة جدا قررت إنهاء تستغنى عن جزء كبير من عمالها في إدارة الصيانة التابعة ليها في القاهرة “95” من عمال الصيانة فترات عملهم في الشركة متعديش 4 سنين ، وده عشان المستثمر يتهرب من صرف مستحقات العمال كاملة لما يقضوا فترة أكبر في الشركة ، وده بيفتح الباب لإنه يجيب مجموعة جديدة ، ويكرر معاها نفس المجموعة السابقة ، وهكذا مرارا وتكرارا …!

http://bit.ly/2lbaI95

إدارة الشركة في منطقة السادات الصناعية بالمنوفية كررت نفس الإجراء مع أكتر من 200 عامل بعد إضراب 10 أيام ، وده خلى عدد كبير يلجأ للخروج من الشركة بالمستحقات اللي هتتصرف الفترة دي ، لإن الشركة رفضت التفاوض ، ومطالب العمال في الإضراب وصممت على تسريح العمال اللي شاركوا في الإضراب ، بل إنها قللت عدد الورديات على العمال اللي فضلوا في المصنع من 3 ورديات لورديتين بس ، مع عدم تحريك أجورهم وإضافة أي بنود للمرتب.

http://bit.ly/2lHubMm

العمال بيتم التنكيل بيهم بسبب مطالبتهم بتعديل أجورهم بكل الطرق ، تسريح إجباري ، واستقالات جبرية ، أو إحالة للمحاكمات التأديبية ، والعسكرية ، وكل ده وأصحاب الأعمال معندهمش أي مشكلة بتواجههم أو عقوبات أو رادع قانوني واضح ، لإنه باختصار مفيش تشريع واضح بيجرم تسريح العمال أو إجبارهم على تسوية أوضاعهم.

Advertisements

إجراءات

Information

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s




%d مدونون معجبون بهذه: